Долгогодишниот играч за врска на Реал Мадрид, Гути Хернандес (33) би можел кариерата да ја продолжи во Интер, незадоволен од односите со тренерот на "кралскиот клуб" Мануел Пелегрини, пишуваат италијанските медиуми.
Иако Гути целата кариера ја мина во Реал, со Пелегрини се скара на полувремето од кралскиот Куп против нисколигашот Алкоркон на 27 октомври (пораз на Реал со 4-0), па при смената на полувремето наводно му порачал "бакни ми го задникот".
Откако неодамна Весли Снајдер се пресели од Реал во Интер, кој со Гути е во добри односи, неодамна двајцата фудбалери се слушнале телефонски.
Гути го замолил Снајдер да му осигура разговор со претседателот на милански Интер, Масимо Морати, кој и самиот покажа интерес за трансферот.
Како единствена пречка се споменува фактот дека тренерот на Интер Мурињо не е склон кон ангажирање на играчи кои се во зрели фудбалски години, па тоа би можело да го стопира трансферот.