Во четири шешири ќе бидат поделени 32 репрезентации кои ќе учествуваат во вечерашната жрепка во Кејптаун за 19-тото Светско фудбалско првенство.
Мундијалот следната година од 11 јуни до 11 јули ќе се одржи во Јужна Африка, првпат на африканскиот континент.
Според претходните резултати и пред се според рејтингот на ФИФА определени се репрезентациите во шеширите.
Во првиот како носители се домаќинот Јужна Африка, Бразил, Шпанија, Холандиија, Италија (светски првак), Германија, Аргентина и Англија.
Вториот и третиот шешир ги сочинуваат селекции надвор од Европа.
Во вториот се наоѓаат: Австралија, Јапонија, Северна Кореја, Јужна Кореја, Мексико, САД, Хондурас и Нов Зеланд.
Во третиот се: Чиле, Парагвај, Уругвај, Нигерија, Камерун, Брегот на Слоновата коска, Гана и Алжир.
Четвртиот шешир е комплетно составен од селекции кои играа во европските квалификации: Франција, Србија, Грција, Данска, Португалија, Словенија, Словачка и Швајцарија.
Светското првенство ќе се игра во 11 градови во Јужна Африка на 13 стадиони. Жрепката која почнува во 18 часот ќе ја води познатата јужноафриканска актерка, која е добитничка и на Оскар, Шарлиз Терон. Покрај неа ќе бидат и спортските ѕвезди Дејвид Бекам, Хајле Гебреселасие, Мишел Платини, Франц Бекенбауер, Роже Мила и Еузебио.