Бекам го пропушта Светското првенство

Дејвид Бекам најверојатно нема да може да игра на Светското првенство во Јужна Африка, дури и во случај да се најде на списокот на селекторот Фабио Капело, по тешката повреда која ја здоби за време на синоќешниот дуел со Киево. Бекам во еден момент застана и сам се повреди, а по првите прегледи е констатирано дека дошло до пукање на ахиловата тетива на левата нога. Рехабилитацијата по ваква повреда од прилика трае од 5 до 6 месеци. "Го видов во болка и страв. Го прегрнав во соблекувалната и му го кажав тоа што сакаше да го слушне, а тоа е дека ќе биде повторно со нас и следната сезона" изјави вториот човек во клубот на Милан Адриано Галијани. И тренерот на "Росонерите" Леонардо потврди дека се работи за тешка повреда. "Кога се случи тоа се чинеше дека не е ништо страшно, но мислам дека него му беше одма јасно за што се работи." Бекам ќе биде опериран уште денеска во Финска кај професорот Сакари Ораве кој е еден од најдобрите светски специјалисти за овој вид на повреди.