Сапуницата околу 19-годишниот Марио Балотели продолжува и сеуште не се гледа крајот. Нова епизода е направена за време на популарното ТВ шоу, "Чиамбрети Најт".
Главен гостин на вечерта бил италијанскиот стратег Џовани Трапатони, кој моментално е селектор на ирската фудбалска репрезентација, но сепак емисијата кулминирала кога на телефонската линија се огласил играчот на Интер, Марио Балотели.
Во текот на денешниот ден од Интер известија дека Мурињо нема да го вклучи "СуперМарио" во составот за првиот четвртфинален меч од ЛШ во кој Интер ја пречекува ЦСКА, што ќе биде шести меч по ред како Балотели го нема во составот.
"Работите не се такви како што се презентираат и не е вистина она што го слушавте изминатите денови. Искрено, не сум глупав да не играм шест меча во низа и тоа да биде во ред" - рекол Балотели и продолжил:
"Не, нема да му се извинам на Мурињо, бидејќи немам причина за тоа. Се ќе кажам, се ќе изнесам во јавноста кога за тоа ќе дојде време".