Додека беше тренер на Челзи, Португалецот Жозе Мурињо два пати сериозно се обиде во својата соблекувална да го доведе Англичанецот кој игра за Ливерпул, Стивен Жерард.
Дека љубовта не престанала, покажуваат и наводите на "Дејли Меил", според кои Мурињо и ова лето, но како тренер на Интер ќе се обиде да го доведе 29-годишниот капитен на Ливерпул.
Жерард од почетокот на кариерата, од 1998 година е член на Ливерпул, но во последно време се погласни се гласините дека ќе замине од "Енфилд".
"Дејли Меил" наведува дека Интер е подготвен да му го понуди на Ливерпул 19-годишниот Балотели плус одредена парична сума. Во Интер имаат подготвено друго решение ако на менаџерот на "црвените" Балотели не му е интересен. Подготвени се да понудат 62 милиони фунти.