Голем прав крена неделниот дуел меѓу Лацио и Интер кој "нероазурите" го добија со 2:0 и направија крупен чекор кон "Скудетото". По тој дуел Рома ги обвини фудбалерите на градскиот ривал дека намерно му "пуштиле" на противникот, а и навивачите на Лацио пред дуелот најавиле дека ќе реагираат бурно доколку видат дека нивните миленици се борат или даваат голови против Интер бидејќи најголемата желба им е Рома да не ја освои титулата.
Меѓутоа, претседателот на Лацио, Клаудио Лотито, демантираше дека намерно го изгубиле мечот, а тоа го потврди прикажувајќи ги смртните закани кои ги добивал преку електронска пошта од навивачите доколку тимот не го совлада Интер.
"Готови сте ако не го победите Интер", изјави Лотито, кој додаде дека добил и писмо со куршум, а слични закани имало и до фудбалерите.