Марио Балотели е на чекор од трансфер во Манчестер Сити, на задоволство на речиси сите фудбалери на Интер. Членовите на актуелниот европски првак повеќе не можат да гледаат како 20-годишниот напаѓач ја руши атмосферата во соблекувалната, а проблемите во јавноста ги изнесе Иван Кордоба.
"Балотели константно прави проблеми. Повеќе не знае што прави, едноставно неразбирливо е. Го советувам да си најде друг клуб за нова мотивација која ми недостасува во овој момент", порача Кордоба.
Ова е само потврда дека на соиграчите на Балотели им здодеа да ги трпат изливите на бес на младиот напаѓач. Според англиските медиуми, тој е на чекор до трансфер во Манчестер Сити каде повторно ќе работи со Роберто Манчини, тренерот што го внесе во првиот тим пред две години.