"Газета дело Спорт" тврди дека Масимо Морати договорил трансфер вреден 35 милиони евра.
Италијанското авторитетно издание"Газета дело Спорт" тврди дека претседателот на Интер, Масимо Морати постигнал договор со шефовите на Сити за трансфер на Марио Балотели на "Истленд".
Според последните информации, "нероазурите" ќе заработат 35 милиони евра за младиот репрезентативец на Италија.
"Газета дело Спорт" оваа веста ја објави на насловната страница под наслов "Бѕе Бѕе Балотелли", што јасно говоир дека иднината на малдиот фудбалер веќе е јасна.
Често изминатите денови можевме да прочитаме дека Балотели "во Интер е раскаран со сите" - не само со навивачите, туку и соиграчите повеќе не можеле да го 'поднесат од причина што ја расипувал атмосферата во соблекувалната'
Морати веќе се договорил со "граѓаните" и останува уште Балотели да ги договори личните услови со тимот на Манчестер, пред трансферот и официјално да биде соопштен.
Според информациите, тој ќе побара 5-годишен договор со Сити и плата од 4 милиони евра по сезона.
Засега Сити му предлага по 2,5 милиони евра годишно и Марио размислува за предложената понуда. Се тврди дека најверојатно двете страни ќе постигнат некаков компромис за годишните примања на фудбалерот.