Се пореално е заминувањето на Кака од Реал Мадрид. Главна вест во италијанските медиуми е дека офанзивниот играч за врска е пред портите на Интер и дека трансферот ќе се случи во зимскиот преоден рок.
Кака не се прослави во Мадрид. Игрите од Милан не ги повтори, а за несреќата да биде поголема повредите го зачестија. Новиот тренер Жозе Мурињо нема трпение да го чека Бразилецот да проработи и разделбата изгледа како се пореална опција.
Прв во редот заинтересирани клубови е Интер. Претседателот на актуелниот европски првак сериозно загризал за Кака, но секако не мисли да исплати 65 милиони евра колку што Реал му исплати на Милан.
Интер го сака Кака во јануари на шест месечна позајмица и право за првенство на откуп на договорот на лето за 25 милиони евра. Според информациите од Италија, Реал такво нешто и би можел да прифати.
Но, и Милан е во игра да го врати својот поранешен играч за врска. "Росонерите" на лето би можеле да го загубат Роналдињо кој е се поблизу до преселба во ЛА Галакси, но за "црвено црните" проблем се парите, бидејќи ова лето доста се потрошија.