Славниот турски фудбалски клуб Галатасарај, потврди денеска дека со разумен компромис го раскинале договорот со холандскиот тренер Франк Рајкард.
Тренерот кој ја предводеше Барселона до титулата во Лигата на Шампионите во 2006-та година, дојде минатата сезона и го доведе Галатасарај до третото место на табелата во ланскиот шампионат. Меѓутоа оваа сезона ја отворија многу лошо, со четири победи и четири порази клубот сега се наоѓа на деветтата позиција на табелата.
"Ден 20-ти октомври, тренерот Франк Рајкард и неговиот помошник го напуштија клубот по компромисен раскин на договорот. Му се заблагодаруваме на Рајкард кој го сподели со нас сето негово знаење и искуство" стои во соопштението на клубот од Истанбул. Освен слабите резултати во турскиот шампионат, клубот од Истанбул во оваа сезона не успеа да се пласира во групната фаза во Лигата на Европа, што доведе до големо незадоволство кај навивачите кој во последните неколку недели бараа смена на тренерот Рајкард.