На списокот на репрезентативци кои ќе бидат поштедени од репрезентативните обврски за дуелот со Албанија на 17 ноември се најде и стандардниот напаѓач Илчо Наумоски. Фудбалерот на австрискиот Матерсбург во договор со селекторот Мирсад Јонуз ја донел оваа одлука по што е јасно дека националниот тим во Албанија ќе патува со видно реконструиран тим.
Покрај Наумоски на средбата во Корча нема да се смета и на Горан Пандев и Горан Попов, кои не играа поради повреда со Андора и Русија, а ќе добијат слободно и сега а покрај нив на листата на повредени играчи се најде и Филип Деспотовски. Одмор ќе има и за Бобан Грнчаров, но и за Славчо Георгиевски. Јонуз планира да испроба неколку нови играчи меѓу кои и напаѓачите Фетаи од данскиот Нордшиланд и Кировски од Скопје.
Без разлика на тоа што списокот на репрезентативците се менува дел од играчите поради некои други причини не доаѓаат да играат за националниот тим. Некои се лути, некои навредени, а други имаат свои размислувања кои се поинакви од оние кои ја водат репрезентацијата.
Списокот на репрезентацијата за дуелот со Албанија ќе биде објавен денеска.