Играчот за врска на Интер, Весли Снајдер, вели дека нема зошто тимот од Милано да гледа во минатото, а убеден е и дека "нероазурите" ќе ги надминат неволјите.
Снајдер им напоменал на своите соиграчи да го заборават Жозе Мурињо и да се концентрираат на начинот на работа со Рафа Бенитез.
Холандскиот репрезентативец особено ставил акцент на големото дерби со Милан во недела навечер.
''Мурињо е минато. Мораме да мислиме на сегашноста, доста гледаме наназад. Набрзо ќе ги надминеме овие моменти, а јас ќе бидам оној стариот. Овој одмор ми помага да се опуштам.'' - напишал Снајдер на својата официјална ''Твитер'' страна.
''Можеме да бидеме во уште поголеми неволји, но и за тоа постои објаснување. Вистинските навивачи ќе ги поддржат своите играчи, особено кога тие минуваат низ тежок период.'' - смета Снајдер и гледа кон дербито ''Дела Мадонина''.
''Не сакам да го загубам дербито, бидејќи токму тогаш дебитирав минатата сезона. Тоа никогаш нема да го заборавам. Станувам се подобар и потребна ми е помошта на навивачите и довербата на Бенитез. Тој е одличен тренер, исто како и Мурињо.'' - завршил Холанѓанецот.