Диего Милито одигра значајна улога во минато сезонските успеси на Интер. Беше еден од најзаслужните за освојување на титулите во Лигата на Шампионите, Серија А и италијанскиот Куп.
Тогаш Милито играше под водство на Жозе Мурињо, актуелниот стратег на Реал Мадрид, а според информациите од "Кориере дело Спорт", не е невозможно соработката да се обнови.
Имено, Реал е во потрага по напаѓач, а по негативниот одговор од Волфсбург кој не му дозволува на Един Џеко да си замине, (барем така пишуваат германските медиуми), Мурињо се насочил кон познатото двориште и одлучил повторно да ја 'тестира среќата' со аргентинскиот напаѓач.
Јасно, "кралевите" се во потрага за напаѓач откако Гонзало Игуаин поради повреда на грбот ќе биде надвор од тимот на подолг период.
Диего Милито има договор со Интер до јуни 2014. година.