Рафаел Бенитез не е повеќе тренер на Интер. "Нероазурите" издадоа соопштение во кое се вели дека е раскинат договорот по меѓусебна согласност.
"Интер и Рафаел Бенитез се договорија за прекинување на соработката во договор од двете страни. Интер сака да му се заблагодари на Рафаел Бенитез за неговата работа на чело на тимот што доведе до освојување на Суперкупот на Италија и титула во Светското клупско првенство".
"Рафаел Бенитез му благодари на Интер за значајното и професионалното искуство и за заеднички остварените победи", стои во соопштението на клупскиот сајт. Интер сеуште не објави кој ќе биде наследникот на Бенитез, но се шпекулира дека најголеми шанси има поранешниот стратег на Милан, Леонардо.