Без победник и без голови заврши последниот натпревар од 27.коло во Премиер лигата одигран синоќа во Лондон на „Кревен Котиџ“ меѓу Фулам и Челзи.
Фулам пропушти шанса преку пенал во последните секунди од натпреварот да стигне до трите бода. Ударот на Клинт Демпси од 11 метри го одбрани гостинскиот голман Петар Чех.
По овој резултат фудбалерите на Челзи се уште подалеку од врвот на табелата и полека го губат чекорот во борбата за титулата. Со освоениот бод Челзи остана на петтата позиција на табелата со 45 бодови, додека Фулам е 12.место со 31 бод.
Води Манчестер Јунајтед со 57 бодови (26 натпревари), Арсенал има 54 бодови (26 натпревари), трет е Манчестер Сити со 49 (27), Тотенхем е четврти со 47 (26).