Одбранбениот играч на Реал Мадрид, Пепе ќе потпише нов договор со екипата на Реал Мадрид. Тоа е информацијата која шпанските медиуми ја пренесоа вчера и останува само да се види кога ќе биде ставен потписот на новиот договор и да се објават условите.
"Со сигурност ќе потпишам нов договор со Реал Мадрид. Дури и Барселона да ми понуди двојно повеќе нема да заминам во овој тим. Јас ќе останам во Мадрид бидејќи Реал е љубовта на мојот живот. Затоа нема да си заминам така лесно", изјави Пепе.
Слично како што и Барса има проблем околу новиот договор со Алвес, така и Реал не можеше досега да најде заеднички јазик со Пепе. Проблемот беше во еден милион евра на барањата на фудбалерот. Тој има договор до јуни во 2012 година, но според она што "Марка" и "Ас" го објавуваат сигурно ќе остане во Мадрид и после овој термин и ќе игра барем уште две до три сезони во актуелниот вицешампион во Шпанија.