Украинскиот претставник во Лигата на Европа во чии редови настапува македонскиот репрезентативец Горан Попов синоќа постигна една од најубедливите победи во рамките на првите натпревари од 1/16 финалето на ова натпреварување. Динамо Киев славеше во Истанбул против Бешикташ со 4:1, а Попов во игра влезе во 73.минута на местото на Тарас Михалик.
Еден од најнеизвесните дуели синоќа се одигра во Базел, каде истоимената домашна екипа испушти водство од 2:0 на полувремето против Спартак Москва. Гостите на крајот со гол во последната минута славеа победа од 3:2. Судија на овој натпревар беше Александар Ставрев од Македонија.
На другите натпревари беа постигнати следниве резултати: Рубин Казан – Твенте 0:2, Металист – Баер Леверкузен 0:4, Андерлехт – Ајакс 0:3, БАТЕ Борисов – ПСЖ 2:2, Бенфика – Штутгарт 2:1, Лех – Брага 1:0, Наполи – Виљареал 0:0, Лил – ПСВ 2:2, ПАОК – ЦСКА Москва 0:1, Глазгов Ренџерс – Спортинг 1:1, Севиља – Порто 1:2, Спарта Прага – Ливерпул 0:0 и Јанг Бојс – Зенит 2:1.
Во вторникот Арис – Манчестер Сити 0:0.
Реванш натпреварите се играат на 22, 23 и 24 февруари.