Капитенот на Милан на дуелот против Тотенхем, Џенаро Гатусо се наоѓа под истрага за постапките кои ги имаше на средбата во вторникот кога имаше дуели со неколку од членовите на гостинскиот тим. На Гатусо му се заканува казна од еден до четири натпревари, а одлуката треба да биде донесена во понеделник.
Во моментов УЕФА го истражува целиот случај. Гатусо за време на средбата имаше неколку дуели со Питер Крауч, но тие нема да бидат санкционирани. Она за коешто Гатусо може да добие казна секако е неговиот дуел со помошниот тренер на Тотенхем, Џое Џордан. Тој по завршувањето на средбата го удри тренерот на гостите со глава, а имаше сличен дуел и за време на средбата кога го удри со раката во лицето.
Сето ова беше снимено со ТВ камерите, па затоа на Гатусо му се заканува казна. Одредени медиуми вчера пренесоа информација дека ќе биде помилуван, па ќе заработи суспензија од само еден меч, но голема е веројатноста казната да биде и до четири средби.
Според она што се знае во моментов одлуката ќе биде донесена во понеделник.