Откако стана тренер на најлутиот ривал на Милан, бразилскиот тренер Леонардо е на мета на големи критики на навивачите на Милан.
Еден од нив е и Паоло Малдини кој открива дека никогаш не би направил такво нешто.
"Никогаш не би прифатил понуда од Интер, за било која работа во тој клуб. Јас не сум Леонардо!" Легендарниот дефанзивец изјави дека сеуште не е заинтересиран да се врати и да работи во својот поранешен клуб.
"Кога завршив со кариерата, договорот беше да се одморам малку од фудбалот и да му се посветам на семејството. Ако дојде правиот момент и ако ми се овозможи вистинска шанса да работам во клубот кој го сакам со целото мое срце, секако дека ќе ја прифатам. Сепак сеуште не е прав момент за нешто такво" додаде Малдини.