Доаѓа пресудниот меч за националниот тим на Македонија. В сабота нашите најдобри фудбалери и гостуваат на Република Ирска во нашата последна шанса за враќање во квалификациите. Затоа денеска стартува операцијата "Даблин" каде нашите најдобри фудбалери патуваат во тешка мисија.
Селекторот Мирсад Јонуз денеска на пладне во хотелот "Стоун Бриџ" во Скопје ги собира фудбалерите и веднаш се заминува за Охрид. Во нашиот најголем туристички центар "црвено-жолтите" ќе се подготвуваат до четврток кога со чартер лет се заминува за Република Ирска.
Операцијата "Даблин" во вистинска смисла на зборот почнува утре затоа што на првиот тренинг на "Билјанини извори" националниот тим треба да работи во полн состав. Добро е тоа што во текот на викендов од сите оние 10 репрезентативци кои се најдоа на списокот ниту еден не пријавил повреда.
Репрезентативците по долга-долга пауза, конечно, се подготвуваат на домашно тло. ФФМ и селекторот ја сменија праксата да се собираат во земјата на нашиот противник и да ја оддалечат репрезентацијата од домашната јавност. Тоа не даде плод затоа што постојано кога се подготвувавме надвор националниот тим ги губеше натпреварите.