|
Пехарот на купот го чекаа од 1993 | |
Фудбалерите на Реал Мадрид се победници во Купот на Шпанија откако синоќа во финалето одиграно на „Местаља“ во Валенсија ја совладаа Барселона со 1:0.
До трофејот на „Кралот“ избраниците на Жозе Мурињо стигнаа по продолженијата од два пати по 15 минути, бидејќи по 90 минути игра резултатот беше 0:0. Победничкиот гол за Реал го постигна Кристијано Роналдо во 102 минута со глава по нафрлената топка од Ангел Ди Марија.
За популарните „Кралеви“ ова е вкупно 18-ти трофеј во Шпанскиот куп, прв по 1993 година, а воедно и прв под водство на тренерот Жозе Мурињо, кој во својата кариера како тренер ги освојувал националните фудбалски купови на Португалија (со Бенфика), Англија (со Челзи) и Италија (со Интер).
Следниот од четирите во низа дуели, меѓу големите шпански ривали Реал Мадрид и Барселона е веќе по едена седмица (среда 27 март), кога во Мадрид овие две екипи ќе го одиграат првиот полуфинален натпревар од Лигата на шампионите.