Жозе Мурињо го сака десниот бек на екипата на Интер, Мајкон, во своите редови, а за таа цел е подготвен кон Милано да го испрати Кака, кој во последната сезона повеќе беше на клупата отколку на теренот.
Според шпанските, но и италијанските медиуми Мајкон е приоритет на Мурињо. Тој сака да ја засили бековската позиција на десната страна бидејќи и покрај новиот договор Серхио Рамос би можел да го напушти Бернабе.
Сепак, Реал Мадрид не е подготвен да плаќа за Мајкон, па затоа се планира размена. Во неа би требало да биде вклучен Кака, кој е ставен на трансфер листата кај "кралевите". Интер уште во текот на последната сезона се обидуваше да го ангажира, па сега ќе добие можност да го оствари планираното.
Според информациите, се ќе зависи од тоа колку Реал Мадрид ќе побара за отштета. Ако таа одговара тогаш постои голема веројатност дека ќе дојде до размена и Кака ќе се врати во Милано, но сега во составот на Интер, а Мајкон ќе се пресели во таборот на "кралевите".