Бразилецот Роналдињо наскоро би можел да ја смени средината и да си замине од Фламенго. Следната локација би требало да биде Обединети Арапски Емирати, а во моментов има понуда од екипата на Ал Шарџа во износ од 4 милиони евра.
Поранешниот фудбалер на Барселона и Милан во моментов го носи дресот на Фламенго. Таму е главна ѕвезда, но од Бразил не ја исклучуваат можноста наскоро да си замине. Сите зборуваат за тоа дека со добра понуда тој би можел да мине во друг клуб каде што ќе има поголема плата, но и далеку поголема слобода во играта.
Иако на многумина не им се верува дека тим од Обединети Арапски Емирати сака да го ангажира Роналдињо, сепак, ова е вистинска информација.
"Зошто е толку чудно нашиот клуб да биде поврзан со екипа како Ал Шарџа? Зарем ние како клуб не заслужуваме во своите редови да имаме познат играч? Јас не сакам да зборувам за тоа дали оваа информација е вистинита или не, но морам да кажам дека ние сакаме силен тим во следната сезона", велат од Ал Шарџа.
Покрај ова претставникот на клубот вели дека Роналдињо се уште е во одлични фудбалски години.
"На колку години е Роналдињо? Има 31 година! Има играво нашето првенство коишто имаат и повеќе години од него, но се во одлична форма и играат на високо ниво. Не мислам дека возраста има некакво значење за играта. Затоа нашата цел е да го ангажираме Роналдињо. Со него ќе бидеме далеку посилни", коментира претставникот на Ал Шарџа.