Македонскиот фудбалски шампион Шкендија настапот на евросцената ќе го започне вечерва од 20 часот и 45 минути на гостувањето во Белград кај српскиот шампион Партизан. Ова ќе биде еден од 11 натпревари кои денеска се играат во рамките на второто квалификациско коло од Лигата на шампионите.
На останатите 10 натпревари играат: Зестафони - Дачија (почеток 18:00 часот), Макаби Хаифа - Борац (19:00), Малме - Торшван (19:00), Бангор Сити - ХЈК (19:30), Шкендербеу - АПОЕЛ (20:00), Динамо Загреб - Нефчи (20:00), Штурм - Видеотон (20:30), Сконто Рига - Висла (20:30), Розенборг - Брејдаблик (20:45) и Линфилд - Бате Борисов (20:45).
Во текот на вчерашниот ден се одиграа првите шест дуели од оваа фаза во квалификациите за ЛШ. Постигнати се следниве резултати Пјуник - Викторија Плзен 0:4 Валета - Екранас 2:3, Могрен - Литекс 1:2, Марибор - Дуделанж 2:0, Слован Братислава - Тобол 2:0 и Шамрок Роверс - Флора 1:0.