Засилувањето на Интер, Диего Форлан ќе ги пропушти шесте средби од групната фаза во Лигата на шампионите.
Причината поради која Форлан не може да ги брани боите на тимот во најсилното натпреварување во Европа се повеќе од јасни. Тој играше за Атлетико Мадрид во Лигата на Европа, а доколку некој играч забележи настап не може да игра за друг се до крајот на првиот дел од сезоната. Оттаму Форлан ќе може да добие право на настап дури по јануари, а тоа значи дека ќе може да го облече дресот на Интер во Лигата на шампионите откако ќе биде одиграна групната фаза.
Доколку Интер успее да се пласира меѓу најдобрите 16 селекции во ЛШ тогаш ќе ја има помошта од страна на Форлан и тој ќе може да биде дел од составот на претставникот на Италија во овој куп.
Инаку, Форлан своето деби во дресот на "нероазурите" би требало да го има во следниот викенд кога е предвидено да стартува новата сезона од Серија "А".