Новиот македонски фудбалски селектор Џон Тошак, во пресрет на утрешниот квалификациски меч со Андора кој се игра на Националната Арена "Филип Втори" во Скопје, потенцира дека неефикасноста претставува голем проблем за нашата репрезентација.
"Кога прв пат ја видов листата на стрелците, Пандев беше на врвот. Другите заостануваат зад него. Мислам дека тука мора да се побара проблемот кој според мене, е во менталитетот на фудбалерите. На мечот со Русија имавме шанси а не ги искористивме. Тоа мораме да го корегираме на следните натпревари" потенцираше стратег од Велс на средбата со новинарите.
"Покрај поразот од Русија од 1:0, на тој меч загубивме и тројца стандардни фудбалери кои играат на три различни позиции во тимот. Тоа значи дека Новески, Демири и Пандев нема да настапат на натпреварот со Андора" објасни новиот стратег на кормилото на нашата фудбалска репрезентација.