Тренерот на Реал Мадрид, Жозе Мурињо одби понуда од 25 милиони евра годишно од екипата на Анжи. Имаше шанса да стане најдоброплатениот тренер во историјата со што ќе го надминеше и Самуел Ето кој добива 20 милиони евра по сезона.
Оваа понуда се однесувала на чисти 25 милиони евра што значи дека во неа не биле пресметани даноците.
"Благодарам, но оваа понуда не ја прифаќам", вели Мурињо во изјавата за шпанскиот весник "Марка". Во овој весник тој се наоѓа на насловната страна потврдувајќи дека оваа понуда не е доволно добра за да може тренерот на кралскиот клуб да си замине.
Со ова одбивање Мурињо само потврди дека за него парите не се на прво место туку спортскиот предизвик. Во Анжи тешко дека би можел да го има она што го посакува бидејќи руската лига не е на рамништето на оние каде што досега има работено. Воедно и тимот на Анжи во моментов се уште е далеку од квалитет за да може да им парира на екипите кои се борат за најдобар пласман во Лигата на шампионите и во Лигата на Европа.
Доколку се случеше да ја прифати понудата тогаш ќе немаше предизвици како што ги има во Реал Мадрид. Тој очајно посакува да дојде до трофеј во првенството на Шпанија бидејќи лани загуби, а исто така и во Лигата на шампионите.