Во првиот натпревар од 4.коло од Серија А, повеќекратниот шампион на Италија, Интер синоќа доживеа пораз од новиот калчолигаш Новара со 3:1. Головите за Новара ги постигнаа Рикардо Мегорини и Марко Ригони (два), додека голот за Интер го постигна Естебан Камбијасо.
Нероазурите по три одиграни кола имаат освоено само еден бод, со скор од два пораза и еден нерешен резултат, а го загубија и мечот од првото коло во Лигата на шампионите.
Претседателот на Интер, Масимо Морати смета дека Гасперини нема контрола врз играчите, а околу иднината на тренерот во клубот ќе се произнесе вечерва.
Вечерва со почеток од 20 часот и 45 минути се играат осум натпревари, а двојките се: Чезена - Лацио, Киево - Наполи, Фиорентина - Парма, Џенова - Катанија, Јувентус - Болоња, Лече - Аталанта, Милан - Удинезе и Палермо - Каљари.
Колото ќе биде комплетирано утре со натпреварот Рома - Сиена.
Табела: Наполи 6 бодови, Јувентус 6, Удинезе 6, Каљари 6, Новара 4, Џенова 4, Катанија 4,...