Дербито на 5. коло од шпанската Примера одиграно синоќа на „Местаља“ во Валенсија заврши без победник. Лидерот на табелата Валенсија и шампионот Барселона одиграа 2:2. Домашните играчи двапати водеа преку автоголот на Ерик Абидал и голот на Пабло Ернандез, додека Каталонците двапати изедначуваа по асистенциите на Лионел Меси, а головите ги постигнаа Педро и Цеск Фабрегас.
На другите натпревари одиграни синоќа беа постигнати следниве резултати: Атлетико Мадрид - Спортинг Хихон 4:0, Малага - Атлетик Билбао 1:0, Рајо Ваљекано - Леванте 1:2 и Расинг Сантандер - Реал Мадрид 0:0.
Во вторникот беа одиграни дуелите: Осасуна - Севиља 0:0, Реал Сосиедад - Гранада 1:0 и Виљареал - Мајорка 2:0.
Вечерва се играат последните две средби од ова коло: Еспањол - Хетафе и Бетис - Сарагоса.
Табела: Валенсија 10 бодови, Малага 9, Бетис 9, Барселона 8, Севиља 8, Леванте 8, Реал Мадрид 7, Атлетико Мадрид 7, Реал Сосиедад 7,...