Карлос Тевез, напаѓачот на Манчестер Сити, го демантирал својот тренер Роберто Манчини кој по поразот од Баерн Минхен изјави дека Аргентинецот одбил да влезе во игра.
Тевез тврди дека дошло до недоразбирање на клупата, но дека не одбил да влезе во игра.
"Се загревав и бев подготвен да влезам во игра. Не е вистинско време да изнесувам детали поради што тоа не се случи, но сакам да се знае дека никогаш не сум одбил да играм. Подготвен сум и во иднина да ги извршувам своите обврски" - рекол Тевез.
Манчини по мечот со Баерн повеќе пати повтори додека тој е менаџер на Сити, Аргентинецот нема што да бара во тимот.