Седум реванш натпревари од осминафиналната рунда во фудбалскиот Куп на Република Македонија беа одиграни попладнево.
Најнеизвесно беше во Авто Команда и Штип. Таму по „пенал рулетот’’ повеќе среќа имаа Работнички во дуелот со Металург и Брегалница која го елиминира шампионот Шкендија.
Пласман во четвртфиналето обезбедија и Тетекс, Хоризонт Турново, Напредок, Ренова и Вардар.
Последниот четвртфиналист ќе биде познат утре откако Скопје и 11 Октомври ќе го одиграат својот реванш осминафинален натпревар чиј почеток е закажан за 14 часот и 30 минути.
Резултати од денешните реванш осминафинални натпревари во фудбалскиот - Куп на Република Македонија се Металург – Работнички 3-5 на пенали 0:0 (0:0 прв натпревар), Тетекс – Силекс 0:0 (2:2), Брегалница – Шкендија 5-0 на пенали 2:0 (0:2), Пелистер - Хоризонт Турново 1:1 (0:1), Миравци – Напредок 2:3 (1:3), Гостивар – Ренова 1:5 (1:0) и Тиквеш – Вардар 0:1 (1:6).