Шведскиот фудбалер на Милан, Златан Ибрахимовиќ, сезонава одлучи да го смени имиџот со тоа што ја врзал косата во репче, а на лицето оставил и козја брадичка. Неговиот имиџ кој наликува на "самурај" наиде на бројни критики на интернет, а меѓу оние на кои не им се допаѓа изгледот на Швеѓанецот бил и сопственикот на Милан, Силвио Берлускони.
Ла Газета дело Спорт наведува дека италијанскиот премиер имал состанок со шведскиот репрезентативец за време на неговата посета на Миланело и за време на разговорот му рекол итно да се потстриже.
Ова не е првпат првиот човек на Милан да понуди совет до членовите на клубот. Минатата сезона му порача на Масимилијано Алегри да ја смени фризурата.