Шампионот на Шпанија, екипата на Барселона успеа да освои бод на гостувањето во Билбао кај Атлетик откако преку Лионел Меси во последната минута од натпреварот го изедначи резултатот на 2:2. „Каталонците“ и натаму остануваат единствениот непоразен тим во Примера Дивизија. Домаќинот на синоќешниот дуел во два наврати имаше водство, но на крајот сепак освои само еден бод. Резултатот го отвори Андер Херера во 20.минута, на 1:1 изедначи Цеск Фабрегас четири минути подоцна. Со автоголот на Пике, Атлетик дојде до ново водство, а Меси во последната минута го изедначи резултатот на 2:2.
На другите натпревари од 12.коло беа постигнати следниве резултати: Хетафе - Атлетико Мадрид 3:2, Еспањол - Виљареал 0:0, Рајо Ваљекано - Реал Сосиедад 4:0, Гранада - Сантандер 0:0, Реал Сарагоса - Спортинг Хихон 0:0, Реал Мадрид - Осасуна 7:1, Леванте - Валенсија 0:2, Бетис - Малага 0:0 и Мајорка - Севиља 0:0.
Табела: Реал Мадрид 28 бодови, Барселона 25, Валенсија 24, Леванте 23, Севиља 18, Малага 17, Еспањол 16,...