Со натпреварот во Тетово меѓу Тетекс и Ренова, денеска ќе почнат реванш натпреварите од четвртфиналната фаза во најмасовното фудбалско натпреварување во Македонија - националниот куп.
На сите четири средби гостинските екипи имаат предност создадена на првите натпревари и се со големи шанси за пласман во полуфиналето.
Денешниот натпревар Тетекс - Ренова (0:6 прв натпревар) почнува во 13 часот, термин во кој утре ќе се одиграат уште две средби, Брегалница - Хоризонт Турново (1:3) и 11 Октомври – Вардар (0:2).
Последниот реванш четвртфинален дуел е закажан за 16 ноември, а во него ќе играат Напредок - Работнички (1:4 прв натпревар).