Иако неколку наши фудбалски репрезентативци се жалат на повреди, сепак селекторот на македонската фудбалска репрезентација, Џон Тошак најави дека сите повикани репрезентативци ќе мора да се појават на подготовките за претстојниот пријателски натпревар со Албанија што ќе се одигра на 15-ти ноември во Прилеп (13 часот). Најсериозна повреда има Горан Попов, додека со помали повреди се Новевски, Тричковски и Наумовски информираат од стручниот штаб на репрезентацијата.
Да потсетиме, Тошак на подготовките повика 24-ца играчи. Сите повикани без оглед дали се повредени ќе бидат во кампот во Охрид.
Со ова Тошак сака да стави до знаење дека од сега па натаму обврска на секој репрезентативец ќе биде да се јави на подготовките доколку е на списокот на повикани.