Голманот на Манчестер Јунајтед, Томас Кушчак, изјави дека се чувствува како роб на Олд Трафорд, откако клубот не му дава да игра одбива да го пушти под наем во друг клуб, а одбива и да го продаде. Полскиот интернационалец го замолил Алекс Фергусон да го пушти во друг клуб каде ќе може да игра бидејќи може да го изгуби местото во националниот тим за ЕП 2012, а Шкотланѓанецот не обрнал внимание на молбата.
"Станав роб на Манчестер Јунајтед. Разочаран, но не сакам да го клеветам Фергусон бидејќи тоа не е мојот стил. Зборував со него и го замолив да ме пушти во јануарскиот преоден рок бидејќи сакам да бранам во репрезентацијата на Европското првенство идната година. Изгледаше како да не го интересира тоа. Пред две недели имав можност да отидам под наем во Лидс на два месеци, но клубот ја блокира зделката. Го ценам Фергусон, за мене тој е голем тренер, меѓутоа не сакам да ме држи во тимот ако не планира да играм", изјави Кушчак.