Поранешниот главен директор на Јувентус, Лучиано Моџи е осуден на пет години и четири месеци затвор од страна на судот во Наполи, а причината за ваква улога е пронаоѓањето на вина кај Моџи при аферата со "местени" натпревари во 2006 година.
Постапката која се водеше конечно доби епилог, а обвинителите бараа максимална казна од пет години и осум месеци затвор. Моџи беше обвинет за учество во криминалната организација која се занимава со "местење" спортски натпревари.
|
Ја доби казната за вмешаноста во местените средби - Лучиано Моџи (лево) | |
Ова не е прва ваква казна бидејќи претходно беше осуден уште еден поранешен директор и тоа Антонио Џираудо, кој беше дел од тимот на Торино во минатото. Тој беше осуден на три години, но на истата се жалеше, па ја чека конечната пресуда.
Според она што го донесуваат медиумите во Италија, и Моџи нема да се најде во затвор во брзо време бидејќи има право на жалба. Доколку не го искористи времето за жалба тогаш веднаш по ова ќе мора да се најде во затворот. Во спротивно ќе треба да се почека и изјаснување по жалбата, па дури потоа ќе се знае што ќе се случува со Моџи.
Како што е познато, Моџи беше дел од најголемиот скандал кој се случи во Италија и поради кој Јувентус беше преселен во Серија "Б". На овој тим воедно му беа одземани титулите во 2005 и 2006 година. Сепак, по преселбата ранг пониско, Јувентус веднаш успеа да се врати во Серија "А", а дури сезонава се врати во вистинско светло и е конкурентен за титулата. Меѓутоа, Моџи повеќе не може да учествува во работата на клубот, а сосема е јасно и дека по издржувањето на казната нема да може да работи во фудбалот.