Кака смета дека неговиот клупски соиграч од Реал Мадрид, Кристијано Роналдо е покомплетен играч од Лионел Меси од Барселона.
Ривалството на двајцата најдобри фудбалери во Примера е уште поголемо откако Меси неодамна изјави дека "постигнува голови за Барселона, а не за награди". Притоа Аргентинецот очигледно целел кон Португалецот. Имено, Роналдо минатата недела ја прими наградата "Европска златна копачка" за 40 постигнати погодоци минатата сезона, најмногу од сите играчи на европско тло.
"Меси и Кристијано Роналдо се најдобри фудбалери на светот. Но, мислам дека Кристијано е покомплетен играч од Меси. Тој, впрочем е најкомплетен играч на светот." - изјавил Кака.
"Кристијано постигнува погодоци со глава, со двете нозе, тој дефинитивно е најкомплетен. Во секој случај, мислам дека е Роналдо е најдобриот играч со кој сум играл досега." - заклучил Кака.