Лучано Моџи, поранешниот директор на Јувентус, кој е осуден на над пет години затвор поради учество во местење натпревари и понатаму се жали за пресудата притоа обвинувајќи го и клубот. Тој во својата одбрана ги користи сите средства за да излезе дека не е воопшто виновен за целата ситуација.
"Против Киево не играше Моџи туку Јувентус. Не го разбирам тоа коешто го зборуваат од клубот, но јас не играв сам. Ќе продолжам и понатаму да се заштитувам и притоа ќе ги напаѓам сите коишто беа дел од тимот во времето кога и јас бев во клубот", вели Моџи.
Инаку, Моџи зборува и за она што се случи после обвинението дека Јувентус местел натпревари.
"Клубот ги загуби двете титули во 2005 и 2006 година и мислам дека треба да си ги добие назад бидејќи ги заработи на теренот. Тимот немаше потреба од помош надвор од теренот бидејќи беше најдобар од сите во тоа време. Јаз зборував за шпиунирање уште пред скандалот да излезе во јавност. Знаев дека не шпиунираат. Туѓите телефонски картички беа купени заради трансферите и заради коменцијална цел. Немаше никаква операција на која јас бев шефот. Тие картички ги купи Јувентус", изјавува Моџи.