Тренерот на Барселона, Пеп Гвардиола, изјави дека неговиот тим е се уште во трка за титулата и покрај вчерашниот нерешен резултат 1-1 на гостински терен против Еспањол.
По вчерашното реми против градските ривали, Барселона сега заостанува 5 бода зад лидерот Реал Мадрид, но Гвардиола инсистира дека борбата за титулата во Ла Лига не е завршена за каталонскиот клуб.
-Можеме да го стигнеме Реал Мадрид. Ништо не е завршено, има уште натпревари за играње. Имаме добар тим, но имаме и тешки гостувања пред нас. Мораме да ги надминеме грешките, изјави Гвардиола по вчерашниот натпревар, но не сакаше да ги коментира одлуките на судиите на натпреварот.
-Треба да бидеме фокусирани на тоа што ние можеме да направиме, а не на судиите, додаде Гвардиола. Следниот натпревар Барселона ќе го одигра на 15 јануари на домашен терен против тимот на Реал Бетис.