Во Шпанија во претстојните три дена ќе се одиграат реванш натпреварите од 1/8 финалето на „Кралскиот“ куп.
Она што привлекува најголемо внимание е најавата за нова пресметка меѓу големите ривали Реал Мадрид и Барселона, кои во дуелите со Малага и Осасуна треба да го потврдат својот пласман меѓу осумте најдобри во ова натпреварување, а со тоа и директен меѓусебен дуел во 1/4 финалето.
За вечерва се закажани три натпревари и тоа: Мајорка - Реал Сосиедад (0:2 прв натпревар), Расинг Сантандер - Мирандес (0:2) и Малага - Реал Мадрид (2:3). Натпреварите редоследно започнуваат во термините од 20, 21 и 22 часот, исто како и трите натпревари закажани за ден подоцна (среда) во кои ќе играат Леванте - Алкоркон (1:2), Еспањол - Кордоба (1:2) и Севиља - Валенсија (0:1).
Последните два 1/8 финални натпревари се закажани за во четврток и тоа од 20 часот во Билбао ќе играат Атлетик и Албасете (0:0), додека во терминот од 22 часот ќе се сретнат Осасуна и Барселона (0:4).