Во двата натпревара од 23-тото коло од фудбалскиот шампионат на Италија одиграни вчеравечер, победи остварија домашните екипи.
Со головите на Уругвајците, Мигуел Бритос (15.минута) и Едисон Кавани (38.минута) од пенал, екипата на Наполи го совлада Киево со 2:0. Македонскиот капитен Горан Пандев кој настапува за Наполи во игра влезе на дваесетина минути до крајот на натпреварот.
До победа пред својата публика стигна и Сиена победувајќи ја Рома со 1:0. Стрелец на единствениот гол на натпреварот беше Емануеле Калаио во 51.минута од пенал.
Ова коло ќе биде заокружено на 7 март, за кога се закажани дуелите, Парма - Фиорентина и Болоња - Јувентус, кои поради лошите временски услови изминатиот викенд беа одложени.
Табела: Милан 47 бодови, Јувентус 45 (два натпревари помалку), Лацио 42, Удинезе 41, Интер 36, Рома, 35, Наполи 34,...