Контроверзниот аргентински фудбалер Карлос Тевез по неуспешните обиди да ги смени клупските бои се враќа во Манчестер Сити, но реши да ја отвори душата и да ги каже несогласувањата со тренерот Роберто Манчини. Играчот мина речиси два месеци во Аргентина без дозвола, а е казнет од клубот поради тоа што одби да се влезе во игра на мечот од ЛШ против Баерн Минхен во септември минатата година.
" Клубот никогаш не ја кажа во јавноста вистината за тоа што се случуваше и зошто сум бесен. Манчини ми ја одзеде капитенската лента без да ми каже или да поразговара со мене околу тоа. Тоа не е се. На мечот со Баерн веќе бев загреан кога ми нареди како на куче да продолжам да со загревање. Јас одбив да го сторам тоа. Сакав да играм, меѓутоа тој беше во лошо расположение по расправијата со Џеко и не ми се допадна начинот на кој ми се обрати", изјави Тевез, кој се обиде да ја смири ситуацијата.
"Одлучив да се вратам од лични причини, да ја свртам ситуацијата и да ги придобијам навивачите. Тие се свртеа против мене по мечот со Баерн, меѓутоа тоа е така бидејќи не биле добро известени од клубот што навистина се случувало", заврши Аргентинецот.
Иако претходно рече дека Тевез сигурно нема да се врати во тимот, Манчини по победата над Астон Вила рече дека фудбалерот може повторно да игра ако се извини за својата непослушност. Британските медиуми проценуваат дека аргентинскиот напаѓач поради кавгата со тренерот изгубил околу 10 милиони фунти.