Менаџерот на Манчестер Сити, Роберто Манчини, ги отфрла тврдењата на Аргентинецот Карлос Тевез дека кон него се однесувал како кон куче.
Тевез се врати во Манчестер во вторникот откако заврши тримесечната суспензија поради одбивањето да се загрева на мечот со Баерн Минхен во Лигата на шампионите.
"Беше во жестока расправија со Един Џеко, а потоа со понижувачки тон ми рече да продолжам да се загревам. Се однесуваше кон мене како кон куче. Му реков дека по ова не сакам да одам да се загревам. Бев подготвен да играм, но по таквиот настап на Манчини веќе не сакав", изјави неодамна Тевез.
На ова Манчини има свој одговор.
"Не сакам повеќе да одговарам на прашања кои не се поврзани со натпреварот кој ни претстои. Ова ќе биде последен пат да одговарам на вакви прашања кога пред нас имаме многу важен натпревар. Во ништо од она што го кажа Тевез не се согласувам. Јас него никогаш не сум се однесувал лошо. Можеби е сосема спротивно од она што тој го вели. Мислам дека кон него дури се однесував и предобро", изјавува Манчини.