Уругвајскиот репрезентативен напаѓач и член на Ливерпул, Луис Суарез од лето би можел да биде нов член на ПСЖ. Лидерот во Лига 1 посакува во своите редови да донесе квалитетен напаѓач со кој ќе биде далеку поефикасен, а изборот паднал на Суарез поради неколку причини.
По неколкуте инциденти сезонава, а особено со Евра од Манчестер Јунајтед, Суарез не е така мирен во Ливерпул. Последната случка кога одби да се поздрави со Евра на дербито само ја зголеми веројатноста дека ќе го напушти Ливерпул.
Големо влијание во убедувањето на Суарез да се пресели во Париз би имал и капитенот на репрезентацијата на Уругвај, Диего Лугано, кој настапува за клубот од француската престолнина. Со ова двајцата би имале можност да носат ист дрес и да бидат дел од клубот кој најавува многу посилни сезони во иднина.