Холандскиот фудбалски стратег Гус Хидинг, потпиша 18- месечен договор со рускиот клуб Анжи Махачкала, објави Goal.com.
Според спортскиот портал се очекува клубот јавно да го објави назначувањето на Хидинг во наредните 24 часа, а според холандските медиуми Анжи и тренерот се договориле за сума од 10 милиони евра со платен данок.
Клубот наводно одобрил и значителна сума на пари за Хидинг да ги донесе фудбалерите кои ги сака, а според порталот една од причините поради која Холанѓанецот прифатил да стане тренер на Анжи е затоа што е запознаен со менталитетот, културата и фудбалот во Русија додека беше селектор на Руската фудбалска селекција.
Гус Хидинг до сега беше менаџер на повеќе европски клубови како ПСВ, Валенсија, Реал Мадрид, Челзи, и селектор на репрезентациите на Холандија, Јужна Кореја, Австралија, Русија и Турција.