Фудбалската репрезентација на Македонија ќе ја има фаворитската улога во вечерашниот контролен натпревар со Луксембург. И според квалитетот и според моменталниот рејтинг на ФИФА листата (Македонија 101.место, Луксембург 133.место) секој резултат освен победа за „црвено-жолтите“ би бил изненадување.
Со овој дуел почнуваат подготовките на македонските фудбалери за следниот квалификациски циклус за Мундијалот 2014. Македонскиот селектор Џон Тошак во составот поради повреда ќе ги нема Николче Новески и Горан Попов, додека неизвесен е настапот на Иван Тричковски.
Почетокот на натпреварот Луксембург - Македонија е во 19 часот, а ќе се игра на „Националниот стадион Жоси Бартел“ во Луксембург кој е со капацитет од 8.000 гледачи.