Екипата на Реал Мадрид загуби нови два бода од предноста која ја имаше на табелата во Примера Дивизија во однос на Барселона.
Во натпревар од 28-то коло на Шпанското фудбалско првенство одигран синоќа, „Кралевите“ одиграа 1:1 на гостувањето кај Виљареал, со што ја намалија предноста во однос на најголемиот конкурент за титулата на 6 бодови. Пред само две кола Реал имаше 10 бодови повеќе од каталонскиот тим.
На останатите средби одиграни вчеравечер постигнати се следниве резултати: Атлетико Мадрид - Атлетик Билбао 2:1, Спортинг Хихон - Мајорка 2:3, Реал Сосиедад - Леванте 1:3 и Валенсија - Сарагоса 1:2.
Во вторникот Барселона ја победи Гранада со 5:3, а Осасуна и Хетафе одиграа без голови 0:0.
Колото ќе биде комплетирано вечерва со натпреварите: Бетис - Еспањол, Расинг Сантандер - Севиља и Малага - Рајо Ваљекано.
Табела: Реал Мадрид 72 бода, Барселона 66, Валенсија 47, Леванте 44, Малага 41 (натпревар помалку), Осасуна 40, Атлетико Мадрид 39, Еспањол 39,...