Во Првата македонска фудбалска лига денеска на програмата се натпреварите од 22.коло, а дербито ќе се игра на „Железарница“ во Скопје каде второпласираниот на табелата Металург го пречекува шампионот Шкендија.
Лидерот Вардар гостува во Турново кај Хоризонт, екипа која ќе се обиде со евентуална победа против фаворитот да ја напушти зоната на испаѓање.
Двојките за другите четири дуели од ова коло се: Тетекс - Ренова, Напредок - Охрид, Работнички - Силекс и 11 Октомври - Брегалница.
Почетокот на сите натпревари е во 15 часот.
Табела: Вардар 53 бодови, Металург 43, Шкендија 40, Силекс 30, Ренова 28, Работнички 26, Брегалница 26, Охрид 24, Тетекс 22, Напредок 22, Хоризонт Турново 20 и 11 Октомври 11.