Фудбалерот на Милан, Златан Ибрахимовиќ, по вчерашната елиминација на неговиот тим од Лигата на шампиони изјави за Mediaset дека постои завера против Милан организирана од УЕФА.
Ибрахимовиќ додаде и дека го сфаќа тренерот на Реал Мадрид, Жозе Мурињо, кога постојано се жали за одлуките кои судиите ги носат во корист на Барселона.
-Како можеше да досуди пенал туку така? Одлуката на судијата беше за срамота. Изгледа УЕФА сака само одредени два тима во финалето од ЛШ. Сега сфаќам како се чувствува Мурињо секој пат кога ќе дојде на Ноу Камп, изјави Златан Ибрахимовиќ по вчерашниот натпревар.
Барселона го победи Милан со 3-1 на вчерашниот реванш натпревар од чеврт-финалето од Лигата на шампионите.